| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 21.50 | Dem. 21.52 (English) | >>Dem. 21.55 |
21.51εἰ μὲν τοίνυν , ὦ ἄνδρες Ἀθηναῖοι , μὴ χορηγὸς ὢν ταῦτʼ ἐπεπόνθειν ὑπὸ Μειδίου , ὕβριν ἄν τις μόνον κατέγνω τῶν πεπραγμένων αὐτῷ · νῦν δέ μοι δοκεῖ , κἂν ἀσέβειαν εἰ καταγιγνώσκοι , τὰ προσήκοντα ποιεῖν . ἴστε γὰρ δήπου τοῦθʼ ὅτι τοὺς χοροὺς ὑμεῖς ἅπαντας τούτους καὶ τοὺς ὕμνους τῷ θεῷ ποιεῖτε , οὐ μόνον κατὰ τοὺς νόμους τοὺς περὶ τῶν Διονυσίων , ἀλλὰ καὶ κατὰ τὰς μαντείας , ἐν αἷς ἁπάσαις ἀνῃρημένον εὑρήσετε τῇ πόλει , ὁμοίως ἐκ Δελφῶν καὶ ἐκ Δωδώνης , χοροὺς ἱστάναι κατὰ τὰ πάτρια καὶ κνισᾶν ἀγυιὰς καὶ στεφανηφορεῖν .
21.52ἀνάγνωθι δέ μοι λαβὼν αὐτὰς τὰς μαντείας .
Μαντεῖαιunknownαὐδῶ Ἐρεχθείδῃσιν ,ὅσοι Πανδίονος ἄστυ
ναίετε καὶ πατρίοισι νόμοις ἰθύνεθʼ ἑορτάς ,
μεμνῆσθαι Βάκχοιο ,καὶ εὐρυχόρους κατʼ ἀγυιὰς
ἱστάναι ὡραίων Βρομίῳ χάριν ἄμμιγα πάντας ,
καὶ κνισᾶν βωμοῖσι κάρη στεφάνοις πυκάσαντας .
περὶ ὑγιείας θύειν καὶ εὔχεσθαι Διὶ ὑπάτῳ ,Ἡρακλεῖ ,Ἀπόλλωνι προστατηρίῳ ·περὶ τύχας ἀγαθᾶς Ἀπόλλωνι ἀγυιεῖ ,Λατοῖ ,Ἀρτέμιδι ,καὶ κατʼ ἀγυιὰς κρατῆρας ἱστάμεν καὶ χοροὺς καὶ στεφαναφορεῖν καττὰ πάτρια θεοῖς Ὀλυμπίοις πάντεσσι καὶ πάσαις , †ἰδίας †δεξιὰς καὶ ἀριστερὰς ἀνίσχοντας ,καὶ μνασιδωρεῖν .
Ἐκ Δωδώνης Μαντεῖαιunknown
τῷ δήμῳ τῷ Ἀθηναίων ὁ τοῦ Διὸς σημαίνει .ὅτι τὰς ὥρας παρηνέγκατε τῆς θυσίας καὶ τῆς θεωρίας ,αἱρετοὺς πέμπειν κελεύει θεωροὺς ἕνεκα τούτου διὰ ταχέων , <καὶ >τῷ Διὶ τῷ Ναΐῳ τρεῖς βοῦς καὶ πρὸς ἑκάστῳ βοῒ δύο οἶς ,τῇ Διώνῃ βοῦν καλλιερεῖν ,καὶ τράπεζαν χαλκῆν καὶ πρὸς τὸ ἀνάθημα ὃ ἀνέθηκεν ὁ δῆμος ὁ Ἀθηναίων .
ὁ τοῦ Διὸς σημαίνει ἐν Δωδώνῃ ,Διονύσῳ δημοτελῆ ἱερὰ τελεῖν καὶ κρατῆρα κεράσαι καὶ χοροὺς ἱστάναι ,Ἀπόλλωνι ἀποτροπαίῳ βοῦν θῦσαι ,καὶ στεφανηφορεῖν ἐλευθέρους καὶ δούλους ,καὶ ἐλινύειν μίαν ἡμέραν .Διὶ κτησίῳ βοῦν λευκόν .
| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 21.50 | Dem. 21.52 (English) | >>Dem. 21.55 |
